Markentzat Interneten “egotea” ezinbestekoa bihurtu da. Erakunde, ETE, establezimendu eta abarri buruzko informazioa aurkitu edo eskuratu nahi bada, ingurune digitalera jotzen da. “Googleatu” (aditz berria) egiten da, webgune korporatiboa gainbegiratu, sare sozialak, albisteak, negozio bati buruz kontsumitzaile/preskriptoreek duten iritzia jasotzen duten atariak behatzen ditugu, etab. Norberaren eta besteen iturri horiek guztiek eragina dute Erreputazio digitalean.

Beraz, hirugarrenen kritikengatik edo iritziengatik ospe txarra izan dezakegu, eta, era berean, interneteko bilatzaileetan aurkitzen ez bagaituzte, bilaketaren lehen emaitzetan agertzen ez bagara (SEOren kudeaketa desegokiagatik), baliteke baztertuak, existitzen ez garela aditzera ematea edo are okerrago, gaizki baloratuak izatea. Ez komunikatzea ere, komunikatzea da.

Interneten egoera arrakastatsuan “posizionatuak” egoteko aukera eta estrategia ugari daude. Lehenik eta behin, komenigarria suertatzen da lortu nahi diren komunikazio-helburuetaz erreparatzea (hauek aurretik, “Komunikazio Plan” batean lancen direlarik). “Marketin Digitaleko Plan” bat, “Komunikazio Plan” batetik eratortzen baita. Komunikazio estrategiko eraginkor bat, horrela bakarrik eraikitzen baita.

Komunikazio helburuetan oinarrituta, adibidez, neurtu ahal izango dugu zenbateraino den errentagarria gurekin publikoki hitz egiten duten (gure sare sozialen, blogen eta abarren bidez) komunitateak (followerrak) sortzeko bideak eta baliabideak irekitzea, eta, era honetan, eduki garrantzitsuak hauek guztiei helaraztea. Helburua hori bada, “Edukien marketina”, komunitateak eta elkarrizketak sortzeko estrategia gisa, komunikazio-helburu hori betetzen du.

Jakina, gure zuzeneko kontroletik kanpo dauden atariak eta espazioak daudela kontuan hartu behar da (Googleren aipamenak, foroak, etab.) eta horiek ere iritzi-sortzaileak direla. “Community Manager” delakoa elkarrizketa horiek kudeatzeko eta jendaurreko irudia nolabait taxutzeko. Horretarako, edukiak sortu, iritziak kudeatu eta etengabe sortzen diren iritzien aurrean erne egon behar gara, “Komunikazio Aholkularitzaren” edo “Komunikazio Planaren” gainbegiradapean. 

Gure komunikazio-helburua, adibidez, on line bidez saltzea bada, web korporatiboan e commerce aplikazio bat edukitzea nahikoa izan daiteke. Gure erakundea, zerbitzuak… informazio korporatiboa aditzera eman nahi badugu, web-gunera publikoa erakarriko duten eduki erakargarrien alde egingo dugu… Beraz, komunikazio-helburuek zehaztuko dute web bat, blog bat, sare-sozialteko presentzia bat eta baliabide osagarriak behar ditugun (SEO, SEM kanpainak, bideo-Branding, e-marketin elektronikoa…). Beste behin ere, lehenik helburua finkatu behar da, gero estrategia eta, azkenik, kanala edo euskarria. 

Komunikazio-helburu ohikoenak lortzeko (saldu, jarraitzaile-komunitateak sortu, online posizionamendua izan, etab.) “Marketin Digitalak” ohiko marketin-tekniketatik abiatzen diren baina ingurune digitalean (Interneten) aplikatzen diren estrategiak sortzen ditu. 

Neurri batean, estrategia hauek “Edukien Marketinaren” bidez iritziak eragitera bideratuta daude: horrela, balizko bezeroarekin, haren gustuak eta erosteko ohiturak ezagutzeko asmoz, elkarrizketak eta feedback-a sortzen dira. Horretarako, elkarren arteko komunikazioa bultzatzen da, komunikazio-helburuak (saltzea, konbentzitzea, marka sortzea…) lortzen lagunduko duten mezuak zabaltzeko. Prozesu honetan kontsumitzailearen feedbacka jasotzen dugun neurrian beraien beharretara/asmoetara egokitzen diren eduki garrantzitsuak sortzen eta helarazten dira. Teknika honek publikoarekin konektatzeko iritzi-emaileak eta influencer-ak ere erabiltzen ditu . “Bihurketa-inbutu” edo “Funnel bihurketa” deitzen zaio.

Neurri batean “Marketin Digitaleko” ekintzak, bilaketa-motorren emaitzak hobetzera, irudi marka posizionatzera… zuzentzen dira. Esate baterako, web batenganako trafikoa erakarriz.

“Marketin Digitala” garatzeko, ekintza puntualak nahiz estrategia progresibo eta konbinatuak erabil daitezke, hainbat euskarri, teknika eta planteamenduren bidez:

• Web/bloga: Inbound Marketing kanpainak (erabiltzaileak erakartzeko eta bezero bihurtzeko intrusiboak ez diren edukiak bidaltzea) web edo blog baten gainean antolatzen dira beti. Marka batean interesa duten pertsonei zuzendutako informazioetan oinarritzen dira (posta elektronikoaren bidez). Produktu/zerbitzu baten gaineko konbertsioa edo erosketa burutuko duten bezero izan daitezkeenak zein hurbil edo urrun dauden kontuan hartuta. Pixkanaka-pixkanaka egokitutako informazioaren bidez pertsona horiek konbertsio prozesu horretatik hurbilen dagoen webguneko atalera (“landing” edo lurreratze-orrira) erakartzea da helburua. Teknika hori betiko marketinaren ohiko bihurketa-inbutuan oinarritzen da.
• Bilatzaileak: web bat (eta orri bakoitza) edo blog bat bilatzaileetan (Google, Yahoo…) kokatu eta bisitak errazteko, posizionamendu organikoko (SEO) edo publizitatearen bidezko ordainketako (SEM) ekintza konbinatuak egin behar dira.
• Display publizitatea: erreferentziazko webguneetan dauden tamaina, formatu desberdineko iragarkiak (bannerrak) dira. Offline iragarki klasikoen beraien alter egoa dira.
• Email Marketin: Lead-ak bereganatzeko (beren datuak posta elektronikoaren bitartez eskaintzearen ondorioz, hartu-emanak partekatzeko aukera eskaintzen dituzten erabiltzaileak) newsletter, buletin, katalogo… formatupeko mezuak. Erosketa prozesua gauzatzeko asmoz, beharrezko eduki desberdinen bidez “elikatzen” (lead nurturing) zaie. Email Marketina oso erabilia da Inbound Marketinean.
• Sare sozialak: Facebook, Twitter, Linkedln, Instagram, etab. hazten jarraitzen dute eta Marketin Digitalak segmentu espezifikoetara heltzeko erabiltzen ditu. Edukiak, mezuak helarazi edota marka-komunitateak, erosketak, bezeroarentzako arreta, krisi-kudeaketa… ahalbideratzen dituzte. Horri esker, intereseko nitxoekin harremanatzea lortuz inpaktu bakoitzeko kostua errentagarria bilakatzen duten (ROI) oso segmentatuak diren publizitate-kanpainetara jo daiteke. (Ikus Publizitatea).
• Bideo Marketina: sare sozialetan biralizatutako edukien estrategiak sortzeko apustu arrakastatsua da (bideo sozialaren bidez ere). Ikus-entzunezko edukiek eragin positiboa dute bai salmentetan eta bai ROIan; izan ere, erabiltzaileen % 90ak produktuen bideoak erosketa erabakiak hartzeko orduan baliagarriak direla dio. Edozein erakunderentzat apustu segurua da. Bere edukiak erakutsu nahi dituen edozein erakunde, ETE, enpresarentzat apostu ziurra da. (Ikusi Argitalpenak eta Bideo Korporatiboa).